Giangkon sa Barangay Kapitan sa Bonbon , Eduardo Cabriana nga gibati na siya ug kabalaka alang sa seguridad sa iyang pamilya, human sa pagsunog sa usa ka mini dump truck sa ilang barangay .
Gisunog sa wa mailhing mga armadong lalaki ang dump truck sa barangay pasado alas 12:00 sa tungang gabii, Marso 9.
Nagtoo si Cabriana nga politika ang hinungdan sa pagsunod sa ilang dump truck tungod kay wa siyay kontra sa ilang barangay .
Ang iyang anak nga si FO1 Clyde Cabriana atol sa interview sa DyHP nibutyag nga mga wa mailhing lalaki nagda ug taas nga kalbiri sa armas ang nakita nga nibubo ug gas sa sakyan ug dayon gidagkutan .
Si Cabriana tigpaluyo sa Bando Osmeña Pundok Kauswagan (BOPK) ni Mayor Tomas Osmeña.
Ang nahitabo sa dump truck sa kapitan, nahitabo human usab sa pipila ka insidente sa pagpangrakrak sa pinuy-anan sa mga kapitan sa Malubog, Sudlon 2, ug Sinsin sa niaging buwan .
