“Arun sa ingon adunay sense of ownership ang barangay”. Kini ang pagpaklaro ni City Councilor Cromwel Nortega, chairman sa commitee on Environment sa Sangguniang Panlungsod sa Butuan, sa pangutana nganong pabayran sa siudad ang mini dump truck alang sa basura
Kung nakapangalan kini sa barangay, mas mamintinar ang kondisyun sa dump truck ug dili kung paturagas lang ang pag gamit.
Angay masayran adunay ceremonial turn-over gipangunahan ni Butuan City Mayor Ronnie Vic Lagnada sa mga mini dump truck ngadto na sa mga 20 ka mga barangay nga nakakompleto sa gikinahanglan dokumento.
Ang MOA ang gipermahan sa syudad ug sa 20 ka mga barangay. Diin unod sa MOA nga bayran ang maong dump truck matag buwan sulod sa pito ka tuig.
Aminado si City Councilor Cromwell Nortega nga daghang mga barangay ang ni-angal sa kamahal nga binuwan nga bayad sa maong dump truck maong gipalugwayan ni Mayor Lagnada ngadto sa pito ka tuig nga pagbayad aron moubos ngadto sa 30,357 ang monthly amortization.
Dugtong sa maong balita, Usa ang barangay San Ignacio ning syudad sa Butuan sa dose ka mga barangay ang matud pa wala midawat sa Mini Dump Truck nga gipalit sa LGU Butuan sa rason nga dili sila kabayad sa kadaku nga monthly amortization niini.
Gipasabot ni Kap. Jocelyn Amado nga gamay kaayu ang Internal Revenue Allotment (IRA) sa ilang barangay ug maapektohan ang pundo nga gigahin alang sa maintenance sa mga purok sa barangay kung ilang dawaton ang mini dump truck.
Dugang sa opisyal nga ang ilang makolekta gikan sa matag panimalay igu ra usab pag-sweldo sa tighakot ug basura ug dili na magahinan ang pagbayad sa maong ekipo.
Sent from my Samsung Galaxy smartphone.
