Davao City – Gibati og kaluoy karon si Southeastern Mindanao Diversified Drivers and Operators Cooperative (SEMDDOC) President Maning Duran sa mga nagpalit og motorsiklo apan dili magamit ning panahon sa COVID-19 crisis karon.
Nasayangan si Duran sa mga motorsiklo kay gipalit kini sa magtiayon aron makadaginot sila sa pamasahe sa ilang lakaw sama sa pag-adto sa merkaduhan apan karon dili kini mapuslan tungod sa pandemic.
Kung si Duran ang pasultihon, mas maayong tugtan na lang og balik sa gobyerno ang backrider basta ang mo-angkas magtiayon lamang ug wala na’y lain pa apil na ang mga kabataan tungod sa hulga sa COVID-19.
Aminado si Duran nga adunay dala nga peligro ang backrider gumikan sa posibilidad nga ma-contaminate sa virus ang mag-asawa ug hayan basin mao pa ni ang rason nga madamay sa sakit ang tibuok pamilya.
Walay problema kang Duran kon mahinayon man o dili ang paghatag og pagtugot sa kagamhanan sa mga managtiayon nga mag-angkas og motor basta maseguro lamang nga adunay pupaigong mga health and safety standards sama sa pag-instalar og plexiglass divider or separator sa driver ug backrider aron dili na mokaylap pa ang nasangpit nga virus.
RadyoMaN Joel Viray
