Davao City – Naningkamot si Pres. Rodrigo Duterte nga mapatuman niya ang iyang mga maayo’ng tinguha sa nasod apan limitado ang iyang gahum tungod kay dunay tulo ka sangang buhatan ang gobyerno nga mao ang Executive, Legislative ug Judiciary.
Matud ni Davao City Vice Mayor Bernard Al-ag, usa sa gipaningkamutan sa pangulo mao ang pagtapus sa contractualization apan dili dayon kini mahimo tungod kay dunay mga sangang buhatan sa gobyerno nga modisesyon niini sama sa kongreso.
Sumala ni Vice Mayor Al-ag, sa nakalabay’ng duha ka tuig insakto ang mga nahimo sa presidente ug bugtong gikinahanglan na lamang mao ang suporta sa katawhan ug sa mga local government officials pinaagi sa pagpatuman sa mga balaud usa na niini ang Enviromental Laws ug uban pa.
Giinon pa sa Bise Mayor sa ikatulong State of the Nation Address (SONA), ang nakaayo niini kay gipakita sa pangulo ang unsa pay mga angayang buhaton alang sa umaabot nga panahon.
RadyoMaN Bernard Pantallon
