Usa ka sekyu ang nakit-ang patay mga alas nuybe kagahapon sa buntag sa San Lazaro, Barangay Lapasan ning syudad.
Kini mao si Dandy Baquiller Jumapit, 23 anyos, ulitawo ug lumad nga taga District Bugo, Tultolan, Tabina, Zamboanga del Sur.
Matud sa kapulisan sa Agora nga si Jumapit usa ka sekyu ubos sa Sagitarius Security Agency ug temporaryong nagpuyo sa boarding house sa Zone 2, San Lazaro, Barangay Lapasan.
Nagtoo ang tag-iya sa boarding house nga si Edilberto Manlapaz nga namatay si Jumapit tungod sa sakit.
Walay foul play nga nakita ang mga pulis sa kamatayon sa sekyu nga ulahing nakitang buhi mga alas 10 sa buntag niadtong Lunes.
Facebook Comments
