Gidagsa sa katawhan sa Barangay Bonbon ang gihimong dxCC-RMN Live sa Barangay.
Sa maong higayon, napaabot sa mga residente sa Barangay Bonbon ang ilang mga concerns ngadto sa mga barangay officials ug sa mga department heads sa City hall.
Human sa live program gisunod ang paghatag sa mga serbisyo gikan sa lokal nga kagamhanan nga naglakip na sa libreng medical check-up, libreng tambal, ibot sa ngipon, libreng binhi, libreng rabbies vaccination sa mga iro ug iring, pagparehistro sa birth certificate, libreng Philhealth registration, libreng reading eyeglasses ug uban pang serbisyo.
Lima ka mga tigpaminaw sa dxCC-RMN Cagayan de Oro ang nakadawat og tag 200 pesos atol sa gihimong pa raffle sa dxCC-RMN Live sa Barangay Bonbon.
Lakip sa mga nidaog mao silang Tutor Julieta, Rita M. Apus, Violita Caharian, Fernanda O. Sanay ug Veronica Balabat.
