Gidagsa sa katawhan ang gipahigayong dxCC-RMN Live sa Barangay karong buntag sa Barangay Cugman covered court.
Sa maong programa, napaabot sa mga residente sa Barangay Cugman ang ilang mga concerns ngadto sa mga barangay officials ug sa mga department heads sa City hall.
Human sa live program, gisunod ang paghatag sa mga serbisyo gikan sa lokal nga kagamhanan nga naglakip na sa libreng medical check-up, libreng tambal, ibot sa ngipon, libreng binhi, libreng rabbies vaccination sa mga iro ug iring, pagparehistro sa birth certificate, libreng Philhealth registration, libreng reading eyeglasses, libreng arroz caldo ug uban pang serbisyo.
 Lima ka mga tigpaminaw sa dxCC-RMN Cagayan de Oro ang nakadawat og tag 200 pesos ug napulo ang nakadawat sa dxCC mugs atol sa gihimoong pa raffle sa dxCC-RMN Live sa Barangay Cugman.
100 ka tigpaminaw ang nakadawat og give aways gikan sa dxCC-RMN isip simpleng pasalamat nga nahimong overall number 1 radio station sa Cagayan de Oro ang dxCC-RMN.
