Gipasa na sa Regional Internal Affairs Service o RIAS 10 ang resulta sa ilang imbestigasyon bahin sa duha ka police nga nag-escort sa mayor sa Pantar, Lanao del Norte nga nakuhaan og mga armas.
Mahinumduman nga niadtong Pebrero singko ning tuiga nasikop sa checkpoint sa Iligan City si Pantar Mayor Jabar Tago lakip ang duha ka police escorts nga silang PO1 Johaimen Mohamad ug PO1 Rasid Lambay human nagdala og mga armas nga walay panugot gikan sa COMELEC.
Sa interview sa dxCC-RMN kang RIAS 10 Director Police Sr. Supt. Calixto R. Mabugat nga ila nang napasa ang ilang imbestigasyon kagahapon sa National Headquarters sa Internal Affairs Service sa Camp Crame, Manila pinaagi sa ilang Chief sa Intelligence and Investigation Division nga si Atty. Edison Piloton.
Gipasabot ni Director Mabugat nga ang national headquarters na ang mohimo sa hearing sa kaso.
