Gipangayo sa mga commanders sa Moro Islamic Liberation Front kon MILF ug Moro National Liberation Front kon MNLF sa administration ni Presidente Rodrigo Duterte ang patas, hapsay, walay limbong ug malinawon nga plebisito sa Bangsamoro Organic Law kon BOL sa Lanao del Norte sa Pebrero sais.
Atol sa Press Conference kagahapon, gipahayag ni Abogado Salahoden Benhamza, legal Counsel sa North Western Mindanao Front nga ilang gipangayo ang patas nga Plebisito tungod sa No votes Campaign sa mga local official sa Lanao del Norte nga nagtingoha nga dili ma-apil sa BOL ang unom ka lungsod sa maong lalawigan nga naglakip sa lungsod sa Tagoloan II, Balo-e, Pantar, Monai, Tangcal ug Nonongan.
Matud ni Benhamza nga dapat hatagan sa Administration ni President Duterte sa gawasnon nga pagboto sa BOL Plebiscite ang mga residente sa Lanao del Norte aron mogawas ang tinood nga hukom sa mga botante sa maong Bala-od.
Gipangayo usab ni Benhamza, nga kon dili kaya sa mga public school Teacher ang pag-silbe sa Plibisito sa Feb. 6, tungod sa ilang kahadlok ug kabalaka, mas maayo nga ang mga Police ug mga sundalo ma-oy mag-manage sa mga Presinto atol sa nasangpit nga political exercises.
Gikampanya sa mga commander sa MILF ug MNLF ang yes vote sa maong plibisito, sa ilang tingoha nga ma-apil sa BOL ang unom ka lungsod sa Lanao del Norte, nga ma-oy ilang gitoho-an nga ma-oy susi sa kalinaw ug development sa maong lalawiganr
