Gibombahan sa mga terorista ang Simbahang katoliko sa Jolo, Sulu niadtong Dominggo samtang nag-meeting ang mga Obispo sa Metro Manila nga polos sakop sa Catholic Bishop Conference of the Philippines kon CBCP.
Mao kini ang gibutyag ni Bishop Antonio Ledesma atol sa Interfaith Prayer Rally for Peace nga gihimo kaganihang buntag sa Divisoria Kiosk.
Ang maong Interfaith Prayer Rally gi-organized sa lain laing religious group nga nag- lakip Pastor, Imam, Balay Mindanao, National Commission on Muslim Pilipinos ug uban pang religious Organization, police ug mga sundalo sa gobyerno.
Matud ni Ledesma nga ilang nakita sa CBCP nga ang pagpamomba sa Cathedral Church sa Jolo ug paglabay sa granada sa usa ka mosque sa Zamboanga dili away sa relihiyon apan may kalabutan kini sa Political Move tungod sa isyu sa pagpalusot sa Bangsamoro Organic Law kon BOL.
Gibutyag ni Ledesma nga tungod sa bombing incident sa Jolo ug grenade blast sa Mosque sa Zamboanga, nagpagawas sa Pastoral letter ang CBCP.
Basi sa maong pastoral letter, nanawagan ang mga Obispo sa Simbahang katoliko nga ibalik ang sabot-sabot sa kalinaw tali sa mga armadong grupo nga kontra sa gobyerno.
Matud ni Ledesma nga gusto sa mga Obispo nga magkasinabot ug magkahiusa ang mga Kristiyanos, Muslin ug mga Lumad alang sa kalinaw sa Mindanao.
Ang Bombing Incident sa Jolo ug Zamboanga, gikondinar sa mga Obispo, sigon sa Pastoral letter sa CBCP nga gibasa ni Monsignior Perseus Cabunoc ang Vicar General sa Archdiocese sa Cagayan de Oro.
