Detinado sa Balingasag Municipal Police Station ang duha ka security guards human nagpabuto og armas sa Barangay Waterfall, Balingasag, Misamis Oriental mga alas tres sa hapon.
Suspects mao silang Richard Yburan, 23 anyos ug Lorenzo Tatoy Machado, 30 anyos, minyo ug puros taga Barangay Sinangoyan, Don Carlos, Bukidnon ug parehong sekyu ubos sa ISEN Guard Agency.
Matud ni Police Sr. Insp. Virgil Gundaya, Hepe sa Balingasag Municipal Police Station nga nakainom ang duha ka sekyu sa ilang gipostingan nga private compound ug nangulata pa kini silag kaubang sekyu dayon pabuto sa ilang armas.
Gidugang ni Police Sr. Insp. Gundaya nga nakuha sa posisyon sa duha ka sekyu ang .38 caliber revolver ug shotgun.
Tungod niini, ang duha ka sekyu ang posibling mag-atubang sa kasong illegal discharge of firearms, paglapas sa Republic Act 10591 alayon sa COMELEC gun ban ug physical injury.
