dxCC Unang Radyo, Unang Balita 4-6AM
Balita gikan sa RMN Malaybalay, Bukidnon – Gideklara sa Sangguniang Panlalawigan ang probinsya sa Bukidnon isip ubos sa state of calamity tungod sa bagyong Vinta.
Mahinumdoman, nga nagbilin og dakong damyos ang bagyong Vinta human kini miigo niadtong katapusang semana sa Disyembre 2017.
Sa interview sa RMN Malaybalay ngadto kang Provincial Director Israel Johan Damasco Jr., sa Provincial Disaster Risk Reduction and Management Council kon PDRRMC-Bukidnon, nga na-aprubahan na sa SP niadtong Martes ang rekomendasyon sa P-D-R-R-M-C.
Kini giunhan ni Governor Jose Maria R. Zubiri Jr., kinsa iproklamang state of calamity ang lalawigan tungod sa damyos sa bagyong Vinta.
Matud ni Damasco nga ang total damage nga natala sa bagyo miabot sa kapin 203 milyon pesos nga naglakip na sa imprastraktura sa iyang 85 million ug agrikultura, sa iyang 109 million pesos kapin .
Mga lugar nga apektado ang L-G-U sa mao ang Valencia City, ug ang mga lungsod sa Baungon, Kibawe, Kitaotao, Quezon, San Fernando, Talakag, Libona ug uban pa.
