Davao City – Mapasalamaton ang usa ka benepisyaryo sa libreng check up sa mata sa DXDC 621 RMN Davao human naka-avail usab sa operasyon sa partner sa sibyahanan sa maong aktibidad nga Family Eye Care.
Sa pakighinabi kang William Limpot, 68 anyos nga taga Tibungco atol sa programa ni RadyoMaN Misel Miral-Galve sa Serbisyong Straight to the Point, naoperahan ang iyang tuo nga mata human di na kaklaro o hanap na ang mata.
Sumala niya nga mipailawom siya sa operasyon niadtong bulan sa Oktubre gani gibutyag niini nga wala siyay gibayaran sa operasyon nga gipangunahan nila Doc. Lima-lima sa Family Eye Care dinhi sa Davao.
Tungod niini, padayon ang lakang sa DXDC RMN Davao nga matabangan pa ang katawhan nga dunay problema sa mata diin ilusad na usab ang laing hugna sa libreng check up sa mata karong Nobyembre 16, 2019 sa Matina Aplaya Brgy. Hall ning syudad, magsugod alas 8 sa buntag kutob alas 12 sa udto.
RadyoMaN Renz Barbarona
