BACOLOD CITY – Masobra 50 ka mga kabataan ang naka benepisyo sa ginpatigayon nga gift giving sang DYHB-RMN Bacolod kag 94.3 iFM kahapon sang aga sa Senior Sto. Niño Home for the Homeless Inc. sa Brgy. Taculing.
Ini ang kabahin gihapon sang pagsaulog sang Radio Mindanao Network sang ika-66 nga anibersaryo kahapon.
Sa amo nga institution ginatatap ang mga kabataan nga ginbayaan sang ila mga ginikanan, ginbilin sa amo nga orphanage ukon ang iban hungod nga gindala didto.
Bilang pagdul-ong sang matuod tuod nga serbisyo publiko nga amo ang nagapanguna nga tinituyo sang RMN, nakabaton sang libre nga pagkaon ang mga kabataan subong man mga grocery items kag goods.
Ang amo nga hilikuton ang natuman pinaagi man sa hamili nga bulig sang mga sponsors partikular sang Indian community sa Bacolod nga ginpangunahan sang Punjabi Khalsa Diwan Indian Sikh Temple./dyHB BACOLOD
