KALIBO, AKLAN — Patay eon tag makit-an ko anang igmanghod rong sangka eaeaki matapos nga magbigti kabii sa Purok 1, Navitas, Numancia, Aklan.
Ro biktima nakilaea kay Ariel Villanueva, 26-anyos ag residente it nasambit nga barangay.
Sa pakikipag-angot ni Kasamang Mel Tirazona sa pamilya it biktima, nasayuran nga ro biktima hay may sariling gina istaran kaibahan ro anang manghod nga 24-anyos.
Kabii ro anang manghod hay nag inum-inum sa baeay ko anang tiya ag pag uli na sirado eon do baeay ag uwa gid kana it nagbukas rason nga ginpakamayad eon lang nana nga una sa bangko sa guwa imaw magkatueog.
Kaina it aga-aga uman imaw nga nagpanoktok para kunta magsueod eon ugaling uwa gid kana it nagbukas rason nga napilitan imaw nga bringkahon ro pwertahan ag pagkabukas idto nana nakita ro anang magueang nga naga bitay eon gamit ro paha.
Uwa man masayuri kon ano rong madaeom nga rason ham-an raya nagpakamatay bangud nga uwa kuno raya naga sugid ko anang mga personal nga problema.
Gina sugid nga rayang biktima hay may maka pilang beses man naha kulong sa Numancia PNP sa hinyo man ko anang pamilya bangud nga naga maoy kon maka inum.
Baton man it pamilya ni Ariel ro ana kara nga pagpakamatay.
Maga patigayon mat-a it imbestigasyon rong Numancia PNP ag SOCO-Aklan para masayuran kung may foul play sa kamatayon it biktima.
