BACOLOD CITY – Ginsuguran na sini nga adlaw sang Department of Education, Division of Bacolod City ang liwat nga pagpatigayon sang Early Registration ukon temprano nga pagpalista sang mga estudyante sa mga pampubliko nga eskwelahan para sa School Year 2019 – 2020.
Ginpahayag ni Schools Division Superintendent Cynthia Demavivas nga ang early registration patigayunon humalin sini nga adlaw tubtub sa February 22, 2019 para sa Kindergarten pakadto sa Grade 12 sa mga public schools.
Nalakip man sa early registration ang yara sa Learning Community Center para sa Alternative Learning Center, ALS.
Angut sini, gina-remind sang DepEd sa mga ginikanan nga magapa-rehistro sang ila kabataan nga magdala lang sang birth certificate nga naka-NSO./dyHB BACOLOD
