Davao city – Huyang na ang puwersa CPP-NPA-NDF sa lugar sa Eastern Mindanao Command tungod sa wa’y hunong nga operasyon batok sa mga rebelde.
Base sa datos sa EASTMINCOM, muabot na sa 200 ka NPA ang mitahan diin anaa sa 48 ang nadakpan ug 37 ang na-captured gikan sa Caraga Region, Davao Region, ug Sarangani Province.
Halos 60 ka NPA ang napatay samtang 37 sa sundalo diin 17 ka CAFGU ug pito ka pulis nawad-an og kinabuhi sa 48 ka enkwentro sulod sa area of responsibility sa EASTMINCOM.
Sukad giwagtang sa CPP-NPA-NDF ang ilang ceasefire sa gobyerno niadtong buwan sa Pebrero, mukabat na sa 300 ug armas ug 196 ka improvised explosive device ang nakumpiska sa militar.
Gikanayon ni Eastmincom Spokesperson Major Ezra Balagtey, ang paghuyang sa puwersa sa CPP-NPA-NDF resulta kini sa mga impormasyon nga gipaabot sa mga residente ngadto sa militar.
RadyoMan Joel Viray
