Nagapatigayon na sang assessment ang banwa sang EB Magalona kun pila ang kahalitan nga ginbilin sang pagbinaha sa una nga adlaw sang Enero 2021.
Sa interview sang DYHB kay Mayor Marvin Malacon, ginpahayag sini nga madamo nga humayan, punong, kampo sang tubo kag utanan sang mga small farmers ang naapektuhan sang baha. Madamo man nga mga isda ang nag-awas sa mga punong sa Brgy. Latasan, suno sa alkalde.
Kapin sa 1,260 households ang apektado sang baha, nga ginhatagan man sang food packs sang banwa. Ginalantaw naman ni Mayor Malacon nga isa sa mga rason sang pagbaha sa ila amo ang pagtabo sang tubig-dagat kag ulan halin sa bukid, dugang pa ang manabaw na nga mga suba sa ila banwa.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
