Sa interview sa RMN Malaybalay ngadto kang Hansel Echavez, Head sa Public Affairs Information and Assistance (PAIA) Office sa Bukidnon, gibutyag niya nga tumong sa pagpahigayon sa ubang mga kalihukan sa selebrasyon sa Kaamulan 2023 mao ang paghatag sa oportunidad sa mga kalungsoran nga mas mapalambo pa ilang ekonomiya.
Dugang pa nga dinhi mahatagan og higayon ang mga kalungsoran nga mapakita ang ilang gipasigarbo nga mga tourist spots ngadto sa mga mubisita sa matag munisipyo ilabi na sa pagsaksi sa mga kalihukan sa Kaamulan 2023.
Gidasig usab ni Echavez ang mga lokal nga pangagamhanan nga dili makaapil sa street dancing nga magtukod sa ilang mga booth sa Kaamulan grounds kini aron sumala pa nga mapasundayag ang mga nagkadaiyang local products sa mga munisipyo.
Muabot matud pa sa 19 ka mga LGUs ang lauman sa probinsyal nga pangagamhanan nga makaapil sa maong kalihukan.
Gawas niana, aduna puy mga booths ug mga food bizarre sa mga kooperasyon, establishemento, uban pa ang lauman sa mga mubisita atol sa selebrasyon sa Kaamulan Festival 2023.
