Nakaikyas ang tulo ka mga detainee sa Drug Abuse Treatment and Rehabilitation Center diri sa siyudad sa Malaybalay pasado alas 5 sa buntag kagahapon.
Sumala sa report sa kapulisan, nga midangop sa presinto si Ysrael Canonigo, 40 anyos, minyo, OIC Security Head sa Drug Abuse Treatment and Rehabilitation Center kabahin sa pagikyas sa tulo ka mga detainee sa pasilidad samtang gapahigayon sa ilang morning exercise.
Milayat sumala pa sa may mubong koral ang mga nakaeskapo nga gipang-ila nga silang John Rey Bacol, Mark Salapang, ug si Jocer Palec samtang laing usa ang misuway pag-ikyas apan nasapon sa nakaduty nga security guard.
Padayon karon imbestigasyon kabahin sa insidente samtang ginaproseso na usab sa korte ang pag-issue sa warrant of arrest batok sa mga nakaeskapong detainee aron nga mapanubag sa balaod.
Facebook Comments
