General Santos City–Giklaro sa LGU-Gensan nga ang unang hangyo nga ibalik sa Enhanced Community Quarantine mao ang border control pasulod sa dakbayan ug dili ang tibuok syudad.
Nasayran nga una ng nagpadala ug request ang LGU-Gensan ngadto sa National IATF pinaagi sa RIATF nga subling ibalik sa General Community Quarantine (GCQ) ang Gensan nga kasamtangang anaa Sa Modified General Community Quarantine (MECQ).
Nasayran nga atol sa gihimong Regional IATF meeting, una ng giduso sa LGU-Gensan nga ibalik sa GCQ ang syudad apan magpabiling ECQ Guidelines ang ipatuman hilabina sa border.
Tumong niini aron nga dili maapektuhan ang ekonomiya sa sulod sa syudad nga usa sa gikonsiderang sentro sa komersyo sa Rehiyon.
Apan, magadepende na matud pa kung unsa ang ma-aprubahan sa NIATF ug kini ang ilahang tumanon.
Kahibaluan nga una ng gika-alarma ni GenSan City Mayor Ronnel Rivera ang padayong pagsaka sa kaso sa COVID 19 ug gikabalak-ang mapuno ang health system capacity sa syudad kung dili mapugngan ang pagtaas sa kaso sa maong virus.(LVR)
