Dios Marhay na aldaw po saindo gabos. Sabaton ta po ang aldaw na ini na pano ning pagtubod sa Diyos, ning kusog, pag-asa asin pagtabang sa kapwa.
Totokaron ta po ngonian ang ley tungkol sa mga septic tanks, in connection sa hagad kan sarong texter ta for legal advice kung ano ang saiyang gigibohon manunungod sa saiyang kataid, ini po ang text nya:
“Pakihapot man po ki Atty. kung ano ang maray gibohon manungod sa sakong kataid na naglaag ning septic tank sa tongod mi, tongod na gayo kan samong bintana, mabataon pong maray.”
Importante po ining pag-orolayan, taano po?
Ang pag-apon asin pasistema sa paglinig kan ati kan tao sarong seryosong issue sa Pilipinas. Sinasabi na around 55 na tao nagagadan oro-aldaw dahi sa helang hali sa ati kan tao, igwa na po baga kita mas sa 100 million katao pero sobra sa 90 percent kan ati kan mga ini dai nakokolekta o dai na tatratar ning tultol. 10 percent sana kan satong population an may access sa sewage systems. Dakul na Filipinos na may toilets mayo man ning septic tanks; ang dakul na may septic tanks open man ang irarom; asin kadaklan septic tanks dai man regularly nahahalian pag pano na asin dai man natatratar para maligning, dai man naiaapon ning tama.
Sobra sa 30 million tang mga kababayan an mayo access sa improved na sanitation facilities. 7.8 million katao o halos 8 percent kan populasyon ta mayo of the country’s population mayong mayo talaga ning access sa sanitation facilities – kaya sinda nag-aati sa open na mga lugar: sa mga kadootan, sa mga salog, sa mga oma, o sa may dagat. Halos 10 million Filipinos ang nag gigibo kaini oro-aldaw. Minsan pinaplastic n asana saka inaapon sa basurahan.
Bago ta po simbagon ang hapot kan texter, marhay na maaraman ta ang nagkakapirang bagay manunungod sa kalinigan lalo na sa mga wastewater.
Ano-anong ley ang mayor na ley tungkol sa polusyon sa tubig kabali na ang septic tanks?
1. Section 16 of Article II kan Constitution says: “The State shall protect and advance the right of the people to a balanced and healthful ecology in accord with the rhythm and harmony of nature.” Sabi man sa Section 15 kaini: “The State shall protect and promote the right to health of the people and instill health consciousness among them.”
2. Clean Water Act of 2004 (Republic Act (RA) 9275 – Sec.7.1.2, 7.2., 8)
3. Code on Sanitation of the Philippines (PD 856 – Chapter XVII)
4. Local Government Code of the Philippines (RA 7160 – Environmental Services Section)
5. Water District Law (PD 198)
6. Mga ordinansa kan LGUs.
Ano po ang septic tank base sa definition kan ley? Septic Tank – a watertight, multichambered receptacle that receives sewage from houses or other buildings and is designed to separate and store the solids and partially digest the organic matter in the sewage.
Ano po ang nagkakapira sa mga requirements kan ley sa mga septic tanks?
Ang Revised National Plumbing Code of the Philippines nagrerequire na ang gabos na septic tanks dapat water-tight (mayong luluwasan ning tubig); dapat tama ang size base sa prescribed kan ley; dai dapat marani pa sa at least 25 meters hali sa mga bubon; asin dapat may access ports para sa desludging o pagpasupsop. Digdi po kita pirmi may problema ta dakul bako man talaga tanke kundi garo pairaroman lang na pasiring sa groundwater sources ta, kaiba malain na bacteria. Ang mga pre-fabricated septic tanks required na -accredit kan AITECH (Accreditation for Innovative Technology) under kan HUDCC, NHA, DOST. Ang Revised National Plumbing Code of the Philippines may detalyadong sizing asin construction requirements.
Ano po ang mga regulasyon sa septic tanks?
Base po sa sa sanitation code, ang septic tanks maaasahan ta lang magserbi ning tama kung designed, constructed, asin operated base sa standards. Ang homeowner igwang ultimong responsibilidad, masiguro na ang saiyang septic tank tama. Pero ang LGU, building and health inspectors, and contractors igwa man responsibilidad.
Ang LGUs dapat nagrerequire septic permits sa gabos na bagong septic tank construction, o kung may pagbago sa gamit halimbawa from residential use lang to commercial use o may substantial na remodeling o repair, kaipuhan ang septic permit.
An local health office dapat nirereview asin iyo ang ma issue septic permit applications. Ang review kabali ang evaluation kan mga plano asin application forms. Dapat may site visit. Ang permit itatao pag ang health inspector na verify na tama ang septic tank.
Ang inspection kan construction site iyo ang sunog na important step. Ang LGUs iyo ang maconducir ning construction inspections sa tolong paagi:
• Inspections kan Health Inspectors • Inspections kan Building Officials • Inspections kan accredited service providers.
Igwa po ning mga fees sa pagkua mga permit asin may mga multa sa dai makua permits.
Ano pa po ang ibang responsibilidad kan mga nanonongdan?
1. Ang LGUs dapat mag develop ning septage management plan with supporting ordinances para sa regular desludging.
2. Sa Collection and Transport kan desludged waste, ang barangay captain or representante nya dapat mag assist sa service providers sa orderly conduct kan traffic during collection asin pag transport. Ang kapitan dapat magpirma sa manifesto certifying na ang collection nakumpleto ning tamas a saiyang jurisdiction.
Ano po ang responsibilidad kan sarong homeowner manongod sa septic tank? Ini na po an kasimbagan ta sa texter:
• siguradohon na ang bago o dati ng septic tanks uyon sa provisions kan Revised National Plumbing Code;
• Mag provide access ports sa pag inspect asing desludging. Ang sarong port per compartment required na may minimum size at least 0.5 m x 0.5 m; asing
• Siguraduhon na ang septic tank nade-desludge bago ang solid contents magsobra sa 50% kan tank volume, o ma desludge every three to five years.
Ano po ang dapat gibohon kan texter?
Magreport po sa local health authorities, sa building official o municipal o city engineer, para pa mapapondo ang construction asin maitama, o magkaso sa husgado.
Ano po ang penalidad sa violation?
Sa Naga po, ang ORDINANCE NO. 2014-076 Series o f 2 0 1 4 nagtatao penalties laban sa owner kan residential or commercial building na nagpalyar magkompli sa laog kan five (5) years from its effectivity sa mga requirements kan health safety saka construction:
a.) For Private Residential Buildings- may multa na Php 1,000.00 b.) For Hotels, Apartments, Banks Offices, Shops, Lodging Houses,Malls, Restaurants and other Commercial Establishments – 5,000.00 c.) For Hospitals, Funeral Parlors and Similar Operation – 5,000.00
Or by imprisonment of not less than one (1) month nor more than one (1) year or both fine and imprisonment at the discretion of the Court.
In addition, non-compliance with the provisions herein may result in the cancellation of business permits for commercial establishments upon recommendation by the WMB to be implemented by the authority issuing the business permit which in this instance is the City Mayor
An sisay man na mag violate kan ordinance sa tamang disposal of septage asin sa mga prohibited acts sa Section 18 kan Ordinance, o magpalya mag gibo kan saiyang obligasyon igwang penalties, kabali na ang open bottom o open na ibabaw kan septic tank, na:
1st Offense – – – Fine of P 5,000 and warning 2nd Offense – – – Fine of P 5,000, revocation of Mayor’s Permit and imprisonment of not less than one (1) month but not more than one (1) year.
Ayan po. Kun may mga kahaputan pao kamo, itext lang po nindo sa mga numbers kan DWNX – 0918-547-5999.
Bago po ako magpaaram, gusto ko pong ipagirumdom sa gabos ang satong obligasyon sa satong Kagurangnan na pangatamanan ning marhay an satong kapalibotan. May kapadusahan po ang Diyos ang mga taong dai mangangataman kaini.
Sabi po baga sa Bible, sa –
Revelation 11:18 “The nations were angry; and your wrath has come. The time has come for judging the dead, and for rewarding your servants the prophets and your saints and those who reverence your name, both small and great — and for destroying those who destroy the earth.”
Ini po si Atty. Angel Ojastro III
Aramon an saindong derecho, INI AN LEY!!!
