Roxas City, Capiz – Nagapabilin sa gihapon si Senator Grace Poe sa number 1 spot sa latest Pulse Asia Survey pila ka semana antes ang May 13 midterm election.
Si Poe ang nakakuha sang 72.6 percent voter preference samtang yara sa number 2 spot si re-electionist Senator Cynthia Villar nga may yara sang 63.7 percent, ginsundan nanday Senator Sonny Angara kag former special assistant to the president Bong Go.
Sulod man sa top 12 si Taguig Rep. Pia Cayetano, former Senator Lito Lapid, Senator Nancy Binay, Ronald Dela Rosa, Bong Revilla, Ilocos Norte Gov. Imee Marcos, Francis Tolentino, Jinggoy Estrada.
Sanday Senators Bam Aquino, Koko Pimentel kag Serge Osmeña ang yara sa 11-16 spot.
Samtang si former Senator kag Interior Secretary Mar Roxas ang nagplastar sa 11-17 spot.
Ginpatigayon ang survey halin March 23 tubtob 27, 2019 nga may yara sang error margin nga ± 2.3 percent.
