Davao City – Electrical-related ang gitan-aw’ng hinungdan karon sa Bureau of Fire Protection (BFP) labot sa pag-ulbo sa dakong sunog sa Purok 2, Bryco, Brgy. 5-A ning syudad sa Davao mag alas-11 kagahapon sa buntag, Enero 15, 2020 diin kapin kun kulang 60 ka balay ang gilamoy sa kalayo.
Sa interbyu sa DXDC RMN Davao kang Fire Inspector Shaira Borja, spokesperson sa Davao City Fire District, gibutyag niini nga nga subay sa report sa pamilya ni Annie Balaga, asa nagsugod ang sunog, nakamatngon na lamang kini nga nasunog na ang ilang kwarto kung asa nahimutang ilang plangka ug aduna usay ceiling fan sa maong area.
“Mao tong among ginatan-aw nga posibleng electrical-related kung nag-overheat ba ‘tong nakasaksak nga ceiling fan or nag short-circuit,” saysay ni Borja.
Samtang gikumpirma sa fire inspector nga adunay usa nga injured nga si alyas Opaw human napaso ang likod niini tungod sa insidente.
Sa record sa City Social Services Development Office (CSSDO) mukabat sa P18M ang kinatibuk-ang damyos sa sunog.
RadyoMaN Kirby Manzon
