Davao City – Mupasiugda ug panagtigum ang Ma-a barangay council uban ang ilang mga ginsakpan sa barangay aron edukahon kun unsay timailhan matag busina sa siren sa barangay panahon sa mga emerhensya.
Sumala ni Ma-a Brgy. Captain Pacito Canete Jr. nga angay masayod ang tanang mga lumulupyo sa barangay kun unsa ang sinyales panahon nga mupatingug sa siren ang barangay aron usab mahibalo ang publiko ug unsang matang sa pagpangandam ang ilang himuon.
Matud niini nga kinahanglan masayod ang katawhan unsa ang buot ipasabot sa siren aron kalikayan ang dugang kumpormiso tungod kay magkayamukat na ang katawhan tungod sa kalibog.
Naaghat ang Ma-a barangay council nga himuon ang pag edukar sa katawhan tungod sa nahitabo kagabie nga panic sa mga residente tungod sa pagtuo nga ang siren nga nabati pagpangandam sa taliabot nga tsunami human sa linog.
RadyoMaN Erin Lumosbog
