Patay na nga nakit-an ang empanada vendor sulod sa iyang panimalay kagahapon sa hapon diha sa Brgy. Cugman ning syudad sa Cagayan de Oro. Kini human ang silingan ni-ini nga si Abelino Montecillo ang mi-report sa Cugman Police nga gi-ingong ang apo ni-ini ang nakakita mismo sa patay na nga lalaki.
Nailhan ang biktima nga empanada vendor, 81 anyos nga si Roger Natinga, residenti sa Zone 9 sa Brgy. Cugman ning syudad.
Matud pa sa report, gi-respondihan sa Cugman Police ang lugar ug didto nakita nga patay na ang maong lalaki, wala na milihok nga nakakulob sa iyang salog.
Nasayran nga dunay gihambing sakit nga asthma ang biktima. Gituhoang gi-atake kini sa maong sakit ug gisuwayan pa ni-ining kab-oton ang iyang nebulizer apan pakyas kining magamit sa biktima.
Gi-check pa ni PSSG Erick Ramilo ang pulso ni-ini apan wala na kini mipitik. Ang cadaver sa maong biktima gidala na sa punerarya alang sa pagpahiluna ni-ini.
Kasama mo sa PS10 Cugman, RadyoMaN Andy Coco, DXCC Tatak RMN!
