TACLOBAN CITY – Ginpanmumusil patay an usa nga empleyado han Calbayog City Hall han diri pa nakikilala nga mga armado nga grupo kasangkulop ha Brgy. Payahan Calbayog City, Samar alas 11:00 han udto, November 20, 2017.
Sumala han Calbayog City Police Station, ginkilala an biktima nga hi Joe Patrick Lentejas, 40 anyos, asawa ni Brgy. Payahan kapitana Anna Lentejas.
Base hiton inisyal nga imbistigasyon han mga otoridad, nagmamaneho han iya sarakyan hi Lentejas tikang ha Highway road tipakadto ha San Mateo St. han mao nga barangay han ginpauranan hin bala hin pusil an ginsasakyan hini.
Sumala han mga otoridad, tadtad hin bala hin pusil an lawas han biktima rason han iya dayon pagkamatay.
Narekober ha crime scene an 30 nga basyo han bala han 9MM nga gingamit nga pusil.
Nabaruan naman han RMN News team nga political supporter hi Lentejas.
3 nga suspek an nakit-an han mga witness han mao nga krimen.
Padayon pa an gindudumara nga imbistigasyon han Calbayog Police kun ano an motibo han mga suspek ha pagpataya kan Lentejas.
