Patay ang job order nga empleyado sang Provincial Government sang South Cotabato sa ginpatigayon nga implementasyon sang search warrant sang elemento sang RPDEU 12, RID 12, RIU 12, South Cotabato PDEU kag 1205th RMFB 12 sa koordinasyon sang Banga MPS sa Purok Magsaysay, Barangay Lamba, Banga, South Cotabato, alas 2:25 sang kaagahon sang Nobyembre 17, 2020.
Ginkilala ang suspek kay Allan Andatuan Abdullah, community organizer sang Barangay Affairs Unit sang Provincial Government sang South Cotabato.
Ang search warrant batok sa suspek ang may kahilabtanan sa pagbayolar sa Sec. 11, Art. II sang RA 9165 kag Violation of 10591.
Suno pa ang suspek ang nagbato sa mga otoridad rason nga napilitan ang mga ini nga tiruhon nga nangin kabangdanan sang iya kamatayon.
Nakuha naman sa suspek ang duha ka armas luthang kag P20, 000.00 nga kantidad sang illegal drugs.
