GENERAL SANTOS CITY – Mag-atubang og kasong pagsupak sa Comprehensive Dangerous Act of 2002 ang trabahante sa canning factory human nga malabigit sa illegal drugs transaction niaging gabie adlawng Martes.
Giila ang suspek sa pangalang Michael Juario 20 anyos ulitawo og residente sa Bagong Silang Labangal nga nagtrabaho isip mamutulay og ulo sa isda nga tuna sa nasangpit nga canning factory.
Nasayran sa imbestigasyon sa Tambler Police Station magtungang gabie na dihang na-entrap ang suspek sa Petron Gas Station sa Purok Puting Bato Barangay Calumpang diin napalitan og usa ka bundle sa marijuana nga giputos og newspaper gamit ang 100 pesos nga marked money.
Gipailawom sa medical examination ang suspek samtang ang nakuha nga iligal nga droga gitugyan sa Regional Crime Laboratory Office alang sa pagpahigayon sa Qualitative og Quantitative Analysis.
Paslak una sa karon ang suspek sa selda sa presinto samtang gihuwat nga makahatag og resolusyon ang piskalya sa gibug-aton sa iyang kaso.
For more info’s and updates, like and share our official facebook account : www.facebook.com/ifm91.9Gensanofficial/
