GENERAL SANTOS CITY – Gikanta karon sa nadakpan nga pharmacy assistant ang mga katransaksyon niini sa iligal nga droga human kining nadakpan sa buy bust operation sa Station Drug Enforcement Team sa Makar Police Station niaging hapon adlawng Martes.
Matod sa suspek nga si Ana Fe Jacinto alyas Feng nga may mga sources siya sa pagkuha og iligal nga droga nga iyang ginabaligya ngadto sa pipila ka mga nurse nagtrabaho sa gobyernong ospital.
Panipis lang matod pa ang iyang ginahimo sa matag transaksyon sa iligal nga droga luyo nga nagtrabaho kini isip pharmacy assistant sa parmasya sa Mahintana Foundation sulod sa Dr. Jorge Royeca Hospital.
Kahibaw-an nga nadakpan ang suspek sa Purok San Roque Labangal human napalitan og usa ka pakete sa iligal nga drogang shabu sa poseur-buyer nga pulis kantidad og 500 pesos maoy marked money.
Kasong pagsupak sa Section 5 o selling of illegal drugs ubos sa Comprehensive Dangerous Drugs Act ang atubangon sa suspek.
For more info’s and updates, like and share our official facebook account : www.facebook.com/ifm91.9Gensanofficial/
