Nasikop sa anti illegal drug operation ang usa ka empleyado sa Cagayan de Oro City Engineers office ug iyang kauban.
Kini atol sa pot session sa duha ka suspek sa Clemente Fernandez- Rizal Street ning syudad kagahapon sa buntag.
Matud ni Senior Inspector Jason Sto. Domingo, Hepe sa Regional Drug Enforcement Unit o RDEU sa Camp Alagar nga ang mga suspek mao silang Robinson Benitez, 36 anyos, minyo nga empleyado sa City Engineers office ug taga Xavier Heights, Barangay Balulang ug John Paul Banquerigo, 36 anyos ug taga Fernandez – Rizal Street ning syudad.
Matud ni Sto. Domingo nga si Benitez giilang High valued target sa kapulisan.
Nakuha sa mga otoridad gikan sa duha ka mga suspek ang gituohang shabu ug mga drug paraphernalia.
Naa na karon sa detention facilities sa Camp Alagar ning syudad ang duha ka suspek.
