Banga, South Cotabato–Patay ang usa ka job order nga empleyado sa Provincial Government sa South Cotabato atol sa gipahigayong search warrant operasyon sa mga elemento sa RPDEU 12, RID 12, RIU 12, South Cotabato PDEU ug 1205th RMFB 12 sa pakig-alayon sa Banga Municipal Police Station sa Purok Magsaysay, Barangay Lamba, Banga, South Cotabato.
Giila ang suspek nga si Allan Andatuan Abdullah, community organizer sa Barangay Affairs Unit sa Provincial Government sa South Cotabato. Ang search warrant batok sa suspek ang may kalabutan sa kalapasan sa Sec. 11, Art. II sa RA 9165 ug Violation of 10591.
Subay sa report sa kapulisan, nisukol ang suspek ngadto sa mga otoridad hinungdan nga napugos ang mga nasangpit nga kini pusilon nga hinungdan sa iyang kamatayon. Nakuha sa suspek ang duha ka armas ug ang P20, 000.00 nga kantidad sa gituohang iligal nga droga.
