General Santos City—sikop ang usa ka impleyado sa gobyerno atol sa gihimong buy-bust operation sa City Drug Enforcement Unit (CDEU) sa may Casquejo Street, Barangay East Gensan Martes sa Hapon.
Suspek mao si Nestor John Villamor, 30, nagtrabaho sa MARINA ilawom sa DOTC isip driver, residenti sa Laurel Street, Barangay East Gensan. Sumala ni Police sr. Inspector Fernando Manuel Jr., Hepe sa CDEU nga unang himuon unta nag transaksyon sa area sa Barangay San Isidro apan gibalhin sa suspek ang venue sa may Casquejo Street.
Pag abot sa lugar, napalitan ang nasangpit ug (1) ka sachet sa gituohang shabu kantidad ug P500.00.
Pag inspection sa iyang sakyanan nga usa ka kotse kolor itum, nakuha sa iyang posisyon ang laing (4) pa ka sachet sa gituohang shabu.
Sumala ni PSI Manuel ang operasyon batok sa suspek ang konektado sa ilang gihimong operasyon niadtong nakalabayng adlaw hain nasikop ang duha ka mga suspek nga silang si Ryan Dumagan ug Tito Tagsuyuin kansa nadakpan sa usa ka pension house nga nahimutang sa Barangay San Isidro ug nakuhaan ug mubalor P300,000.00 nga kantidad sa Shabu.
Si Villamore usa sa mga nagakuhaan ug druga sa duruha. Samtang makonsiderang High Value Target si Villamor gumikan na usab sa mga koneksyon niini. Sutaon pa sa kapulisan kung apil ba sa ilang watchlist ang nahisgutang suspek.
Kasong paglapas sa sec. 5 ug sec. 11 ilawom sa RA 9165 ang gikatakdang ipasang-at batok sa nahisgutan kinsa balhog karon sa silda sa Police Station 1.
Alang sa dugang Balita maninaw sa mga Programa sa DXMD 927khz-RMN Gensan
