Generel Santos City—Igo nalang sa pagpatala sa buhatan sa Police Station 6 ang usa ka empleyado sa mall human kining gilabnihan ug bag sa wala pa mailhing mga suspek nga nakamotorsiklo.
Biktima giilang si Jacquelyn Gomez David, legal age, residenti sa Barangay San Isidro, Gensan.
Subay sa iyang sumbong sa kapulisan, pauli na unta kini sa ilang panimalay ug pagtabok niini sa kalsada atubangan sa SM mall kalit lang gilabni sa duha ka mga lalaking nakamotorsiklo ang iyang bag nga adunay sulod nga mga personal nga gamit kwarta ug uban pa.
Paspas nga mikagiw palayo sa lugar ang mga suspek samtang ang biktima midangop nalang as kapulisan. Sa karon padayon pa ang gihimong imbistigasyon sa kapulisan kalabutan sa maong insidenti.
Facebook Comments
