Davao City – Migawas sa imbestigasyon sa mga imbestigador sa San Pedro PNP nga posibleng gitulis ang usa ka miyembro sa LGBT nailing usa ka Enrilie Andalique, 36 anyos, single, kanhing Law student ug kasamtangan nagtrabaho sa MTCC sa Hall of Justice, residente sa Rizal Ext.Cor Quezon Blvd. Brgy.38-D ning syudad sa Davao.
Nasayran nga nakahiagum og samad-dinunggaban sa nagkadaiyang parte sa lawas ang biktima.
Sumala pa, nakaplagan na lamang ang biktima sa iyang amigo kauban ang Barangay opisyal nga wala nay kinabuhi nga nagbuy-od ug naligo na sa iyang kaugalingong dugo sulod sa iyang kwarto nga giabangan.
Narekober gikan sa Crime Scene ang usa ka kutsilyo nga gituohang maoy gigamit sa suspek lakip nakumpiska ang bakos nga gigapos sa liog sa biktima.
Sa karon, ang kapulisan sa Presinto Dos mas gipalapdan pa ang gilusad nga imbestigasyon aron maila ug madakpan ang suspek nga mipatay sa biktima.
RadyoMaN Don Pulayao
