Davao City- Nasikop sa kapulisan sa Sta Ana PNP ang usa ka empleyado sa Southern Philippines Medical Center atol sa gilusad nga buy bust operation pasado alas otso sa gabii sa may parking lot atubangan sa maong ospital.
Giila ang dinakpan nga si Glenn John Tonzo Villasis alyas “Junvel”, 31 anyos.
Sa dihang gikasa ang buy bust operation usa ka pulis ang nagpakaaron-ingnong buyer ang mitunol og 500.00 pesos nga buy bust money ngadto sa suspetsado, ug wala na kabantay ang suspek og dali kining gipusasan sa mga otoridad.
Narekober gikan sa posisyon sa suspek ang tulo ka mga sachet sa gituohang shabu lakip na buy bust money ug mga drug paraphernalia.
Balhog na sa prisohan ang suspek ug magatubang kini’g kasong adunay kalapasan sa Republic Act 9165 kun Comprehensive Dangerous Drugs Act.
Kasamang Don Pulayao
