General Santos City—samdan ang usa ka 22 anyos nga Canning Factory Worker human kining gidunggab makapilang higayon sa tulisan nga habal-habal driver sa may Prk Felomina, Barangay Calumpang, Gensan.
Ang biktima nailhang si Ivy Rose Paunon, Canning Factory worker , 22, residenti sa Prk. Lote, Barangay Calumpang ning syudad.
Alas 7:15 ang takna sa gabie Lunes, June 26, 2017 dihang padulong unta sa iyang gitrabahuan ang biktima, pag abot sa kalsada misakay kini ug habal habal, apan pag abot sa ngitngit nga dapit sa may Prk. Felomina, Barangay Calumpang kalit lang mihunong ang suspek ug gitiunan ug kutsilyo ang biktima dungan sa pag deklara ug tulis.
Nahimo pa sa biktima ang pagsukol sa suspetsado nga hinungdan sa pagdunggab kaniya sa suspek pila ka higayon apan tungod lakin-on ang nahisgutang babaye wala syay samad nga naangkon sa iyang lawas inay pulos anaa lang sa iyang kamot ug bukton gumikan sa pagsagang niini sa kutsilyo sa suspek.
Tungod niini misibat nalang ang suspetsado padulong sa wala sayring lugar samtang ang biktima nangayog tabang sa mga residenti sa lugar dayon siya gidala sa ospital.
ang Police Station 5, nagpahigayon nag makuting imbistigasyon kalabutan sa insidenti.
