Ginapatihan nga may nagkalasamaran sa bahin sang rebelde sa natabo nga enkwentro mga las 8:35 kaina sang aga sa Brgy. Gatuslao, Candoni kag sang Barangay Manlucahok, Sipalay City sa Negros Occidental sa tunga sang mga katapo sang Special Action Force – SAF kag sang New People’s Army – NPA.
Ini kasunod sang bloodstains nga nakita sa lugar sang insidente. Suno sa report, 2 ka M16 Armalite rifle sang mga rebelde ang na recover sang utoridad sa amo nga enkwentro nga naglawig sang kapin 30 minutos.
Suno kay City Councilor Dionelo Bogtae sang Sipalay City Disaster Risk Reduction Office ila nakilala ang pilason kay PInsp. Jose Buscato, student SAFCC class 77-2016.
May igo ni sa natuo nga bahin sang iya liog kag gindala na sa isa ka ospital sa Bacolod para nagakaigo nga medikasyon. /dyHB Bacolod/Photo by Sipalay City DDRMO/ Jeng Jeng Jeng for dyHB-RMN.
