Davao City – Naluwas sa mga personahe sa Pnp Regional Maritime Unit XI ang 15 ka mga endangered nga mga langgam kinsa gibyaan nalang sa tag-iya sa may Mini Pier, Km 11 Sasa, Davao City bandang alas 10 sa buntag.
Giila ni Pnp Regional Maritime Unit XI Spokesperson PCI Hazel Bacsarpa ang klase sa mga langgam nga Philippine Hanging Parrot kun Kusi nga pahurot na ang lahi sa wild.
Matud ni Bacsarpa sagad makita ang maong mga langgam sa kalasangan sa Maragusan Compostela Valley, Province ug Camiguin.
I-turn over sa Maritime ang maong mga langgam sa Department of Environment and Natural Resources Davao.
Samtang, padayon ginagukod sa mga awtoridad ang nagbilin sa maong mga langgam kinsa mamahimong magatubang og kasong may kalapasan sa RA 9147 o Wildlife Resources Conservation and Protection Act.
RadyoMaN Aimee Guinita
