Davao City – Walay samdan sa bahin sa militar sa lain na usab nga sangka sa teroristang CPP-NPA-NDF sa Sitio Dasuran, Barangay Golden Valley, sa lungsod sa Mabini, ComVal province 9:45 gahapon sa buntag.
Matud ni 71st Infantry Battalion Commander Lt.Col.Esteveyn Ducusin nga walay naangol sa iyang mga ginsakpan sa 20 ka minuto nga binakbakanay tali sa teroristang NPA sa nasangpit nga barangay.
Apan dili matino ni Ducusin kung aduna ba’y nasamdan o namatay sa parti sa mga sakop sa Guerilla Front 2 kinsa dali miiktad sa lugar human nalupig sa puwersa sa kagamhanan.
Narekober sa encounter site ang M16 armalite, duha ka improvised explosive device, usa ka blasting cap, usa ka shotgun,150 metros sa tripwires, usa ka transistor radio, mga subersibong dokumento, mga pagkaon, ug daghan pang uban nga iya sa mga terorista.
Segun ni Ducusin, miresponde sila sa lugar tungod sa sumbong ang mga residente nga naay mga npa nagpahigayon og extortion activity sa naasoy nga dapit.
Sa karon, nagpahigayon na og laing hugna sa operasyon ang militar aron lutuson ang mga NPA nga nakaikyas sa enkwentro sa tropa sa 71st IB.
RadyoMaN Joel Viray
