BACOLOD CITY- Libuton sang team sang Emergency Operations Center (EOC) ang tanan nga mga call centers sa Bacolod kasunod sang pag-positibo sa coronavirus sang 41 ka mga agents sang Transcom sa Brgy. Tangub.
Ginpahayag ni Dr. Chris Sorongon, Deputy for medical sang EOC nga gusto nila nga mapasiguro nga ginasunod sang tanan nga call centers ang mga health protocols nga ila gintalana agod nga indi na madugangan pa ang mga agents nga magapositibo sa virus.
Aminado si Dr. Sorongon nga ang Business Process Outsourcing (BPO) isa ka industriya nga dako ang ginabulig sa ekonomiya sang ciudad gani indi pwede nga mapabay-an ang mga ini.Luyag sang EOC nga mapasiguro ang hugot nga compliance sang mga BPOs sa mga health protocols kasunod sang insidente sa Transcom.
Sa karon, nabutang na sa facility quarantines ang 41 ka mga nag-positibo sa diin ang ila mga close contacts ang naka-home quarantine.Ang walo sa 41 nga sa guwa sang Bacolod nagapauli, ang na-coordinate naman sa ila mga local government units.
[image: image.png]
