Ya alcansa ya asegun na ocho sientos mil de ponoy coco el presente afectao na emfremedad del cocolisap aqui na entero ciudad de Zamboanga.
Este el anuncio del City Agriculturist Dr. Diosdado Palacat enantes ya abla cay alarming level ya el estado del tal insecto na mga cocoteros cay entero 98 barangays del ciudad el afectao ya este tiempo.
Masquin ya man release ya el govierno local con el cantidad de 16 milyones de pesos para controla cob el tal insecto,sin embargo, hinde este suficiente para acomoda contodol miles de ponoy coco que infectao.
Ta esperanza si Palacat cay el Phil.Coconut Authority (PCA) ta continua tambien el ofrecimiento de asistencia con el mga cocoteros que afectao del cocolisap.
Presentamente, ta conduci massive spraying el oficina de agricultura na Bungiao, Vitali y Ayala. -Bhong Simbajon/RMN NEWS
