Epekto sang dry spell sa rehiyon kag aksyon pa nga himuon isa sa tutukan sa patigayunon nga RDRRMC meeting subong nga adlaw.

18

Isa sa pagatalakayon subong nga adlaw sa patigayunon nga Regional Disaster Risk Reduction and Management council first quarter meeting ang epekto sang dry spell sa rehiyon kag kon ano pa ang aksyon nga himuon.
Ini ang nangin pamahayag ni Office of the Civil Defense 12 Assistant Regional Director Jerome Barangco.
May-angot sini, yara suno pa ang presensya sang taga-Department of Agriculture 12 kag mga local government units sa rehiyon agud nga istoryahan ang mahatag pa nga bulig sa mga apektado sang dry spell partikular na sa mga mangunguma.
Samtang, sa nasambit nga pagsinapol istoryahan ang pagpatigayon sang joint validation agud nga makapangayo sang national intervention sa mga apektado sang kalamidad.
Ginkumpirmar man ni Assistant Regional Director Barangco nga makaduha na sila ka bes nakapadala sang report sa NDRRMC angot sa natuga nga danyos sang dry spell sa rehiyon.
Padayon man suno pa ang koordinasyon sang ahensya sa pamunuan sang DA 12 kon ano ang nahatag kag ihatag pa nga ayuda sa mga apektado sang dry spell.

Facebook Comments