Hugot man nga ginabantayan sang Philippine Coast Guard ang pwerto sa ciudad sang Escalante agud masiguro nga wala sang indibidwal nga makalusot ilabi pa ang mga wala sang nagakaigo nga dokumento.
Sa interview sang DYHB kay Lt. Jansen Benjamin, head sang PCG Negros Occidental, ginpahayag sini nga indi basta-basta bisan ang pagsugat sa mga repatriated OFWs sa diin ang mga bus nga ginagamit halin sa Negros Occidental ang wala na ginapapanaog sa barko.
Nahibaluan nga ang pwerto sa Escalante ang patabok sa Tabuelan, Cebu sa diin ang amo nga probinsiya ang isa man sa mga lugar sa Pilipinas nga may mataas nga kaso sang COVID-19.
Samtang, 24/7 man karun ang pagbantay sang PCG upod sa Bantay Dagat kag local Coast Guard communities agud masiguro nga wala sang mga bangka gikan sa isla sang Panay nga may sakay nga pasahero, nga makatabok sa Negros Occidental.
Suno kay Benjamin, dapat mangin vigilante ang PCG, Bantay Dagat kag local Coast Guard communities agud wala sang makalusot nga mga indibidwal bisan nga yara na sa Modified General Community Quarantine (MGCQ) ang Region 6.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
