General Santos City—Giransak sa wala pa mailhing suspetsado ang Francisco Oringo Oringo Sr. Elementary School nga nahimutang sa Barangay City Heights, Gensan makaduhang higayon.
Unang giransak ang maong tunghaan niadtong Lunes, Setyembre 4, 2017 diin gisulod sa mga kawatan ang pipila ka mga classroom. Nakuha sa mga suspek ang P1000.00 kapin nga kwarta nga iyaha sa maong tunghaan.
Ikaduhang pagpangransak natigayon niadtong Myerkules diin walo ka mga classroom ang gisulod sa mga kawatan. Gituohang tungang gabie gisulod sa kawatan ang maong tunghaan.
Wala hinuoy nakuhang gamit ang mga kawatan apan gipangbungkag ang mga gamit ug gipangablihan ang mga drawer. Gituohang kwarta lang ang tuyo sa mga kawatan sa pagsulod sa maong tunghaan.
Facebook Comments
