Gitugyan na lang ni Chief Inspector Jovie Espenido ngadto sa Labaw nga Makagagahum kung asa ang sunod nga assignment niini.
Reaksyon kini ni Espenido human nga wala na dayon ang ang pag-lingkod isip director sa Iloilo City Police Office (ICPO).
Kung mahinumduman nga mismong sila si Pangulong Rodrigo Duterte pa ug ang PNP chief ang nag-anunsiyo sa bag-ong assignment sa kontrobersiyal nga police sa Iloilo apan na-unsyami kini.
Sa interview sa RMN Malaybalay ngadto kang Chief Inspector Espenido gibutyag niini nga iya nang gitugyan sa Diyos kung aha siya sunod nga e-destino. Ning kasamtangan siya pa gihapon ang hepe sa Ozamis City Police Station.
Gi-ingon pa niini nga sekreto matud pa niya ang paghigugma sa trabaho ug kanunay nga pagsalig sa Diyos sa paghimo sa iyang mandato ug tahas.
Gipahayag pa ni Espenido nga sa karon nibalik na usab daw ang mga tulis sa Ozamis City. Aduna usab daw siyay nga namonitor nga nibalik ang illegal nga droga sa siyudad. Pero gipasalig niini nga iyang buhaton ang iyang makaya aron masumpo kini sa mao nga dakbayan.
