Humalin sang nangin isa ka pulis, wala siya sang bisan sin-o nga amo. Ini ang ginpahayag ni Lt. Col. Jovie Espenido sa iya pag-atubang sa media agud maghatag sang statement matapos nga nalakip ang iya ngalan sa narcolist.
Suno kay Espenido nga pamatuod diri amo ang iya sadto pagpasaka sang kaso bisan pa sa iya mga senior collegue nga nakahimo sang sala.
Ginklaro man ni Espenido nga ang pagkalakip sang iya ngalan ang nag-gwa na sadto pa sang 2016 apang ini ang na-clear na sang National Intelligence Coordinating Agency (NICA) sadtong 2017.
Nagaduda si Espenido nga ang may kahimuan ukon sa likod sang paglakip sang iya ngalan sa narcolist amo ang pila ka grupo ukon may influence sang pila ka politiko.
Ginpahayag pa niya nga bukas siya sa anoman nga imbestigasyon sang National Adjudication Board kon diin sa pagkamatuod ginsuguran na ang lifestyle check sa iya.
Sa karon ang status ni Espenido amo nga assigned siya sa Office of the Chief PNP apang detailed siya sa PNP Region 6 pero wala sang focus ukon specific assignment.
[image: image.png]
