Syudad sang Iloilo-Nagpadala sang cautionary cease and desist notie si Mayor Jose Espinosa sa Board of Directors sang Metro Iloilo Water District (MIWD). Sa sulat nga napetsahan Disyembre 4, 2017 ginhambalan ni Espinosa ang MIWD paagi kay Board Chairman Dr. Teodoro C. Robles kag Gen. Manager Imelda Magsuci nga void ab initio ang appointment sang anom ka katapo sang BOD kasunod sang desisyon sang Supreme Court en banc nga nagadeklarar sang Section 3 (b) sang PD 193. Ini ang probisyon nga nagadula sang poder sang alkalde sang isa ka syudad nga mag-appoint sang BOD sang water district kun manubo sa 75% ang active connections sa sakop sang syudad. Bunga ini sang pagquestion sa korte sang analy alkalde sang Cebu nga si Mayor Michael Rama kag Metropolitan Cebu Water District (MCWD) sa pagsaylo sang appointing authority sa gobernador sang Cebu bangud nagnubo sa 71% ang active water connection sa syudad.
Sa sulat sang alkalde ginsiling sini nga nagatuyo sya nga mag-appoint sang bag-o nga set sang BOD.
Nagahingyo man si Espinosa nga tahuron kag sundon ang ini nga instructions agud bindi na makaatubang pa sang kabudlayan sang kasuhay sa korte. Panindugan ni Espinosa dapat lang makonsulta sang husto ang mga residente sang syudad kun ano man ang ila plano.
“We should be consulted, we should be properly advised sang whatever plas dira kay under the law now, under the decision of the supreme court the board of directors should cease and desist their existent there and they are terminated because of the decision of the supreme court,” dugang pa ni Espinosa.
Wala pa nakakumento sa isyu ang MIWD.
May lima ka Board of Directors ang MIWD nga may term nga anom ka tuig. Ginalakipan ini nanday Dr. Teodoro Robles bilang chairman, Atty. Juanito Acanto, Dr. Jessica Salas, Ramon Cua-Locsin, kag Atty. Josephine Abad-Caram nga lunsay appointees ni Gov. Arthur Defensor Sr.Una nga magaexpire ang term ni Caram sa 2018.
