ILOILO CITY – Ginkilala sang grupo sang mga Architects sa Pilipinas ang 1.2-kilometer Iloilo City River Esplanade bilang pinakanami nga landscape architecture sa pungsod.
Ini sa ginhiwat nga 2017 GantimPALA Excellence Award for Institutional Spaces nga ginpresentar sang Philippine Association of Landscape Architects (PALA) sang nagligad nga Biernes sa Manila, Setyembre 22.
Ang Iloilo River Esplanade gindisensyo ni Architect Paulo G. Alcazaren.
ANg GantimPALA awards gin-organisar sang Philippine Association of Landscape Architects (PALA) agud kilalahon ang mga hinimuan sang mga Achitects sa landscape architecture sa bug-os nga pungsod.
Ang esplanade isa sa mga lugar sa Iloilo nga ginapadulungan sang mga pumuluyo agud magwalking, jogging, zumba kag iban pa nga aktibidad.
