*ZAMBOANGA CITY—Un siembrador ya muri mientras su esposa irido despues canila ya sopla de tiro el dos persona na Purok Irene, barrio de PObl;acion na Municipalidad de Sominot, Zamboanga del Sur delunes por la tarde.*
*El pulis ya conose con maga victima como canda Jayme Villapaña Buhayan, 47, quien ya muri mientras su esposa amo si Lydia Andus Buhayan, 47, ambos de Purok 2, barrio de Barubuhan, del mismo municipalidad.*
*Asegun conel pulis el man maridable muntao na diila motorsiclo que ta maneha el marido pasando na mencionao lugar cuando dos persona muntao tambien na otro motorsiclo el ya hace apas canila y ya ataja conestos.*
*Porcausa coneste, ya para el motorsiclo del man maridable y derepente tambien el unu del dos suspechao ya rega de bala canila.*
*El esposo ya sufri monton irida de bala y ya muri enseguidas mientras el esposa ya guinda pa na hospital y ta enfrenta ya ahora curada medical.*
*Maga pulis ya encontra 5 capsula de calibre 45 pistola na lugar. – Dan Toribio *
